SULI È GIÀ SPUNTATU DI LU MARI
E VUI, BIDDUZZA MIA, DURMITI ANCORA.
L'ACEDDI SUNNU STANCHI DI CANTARI
E AFFRIDDÀTI V'ASPETTANU CCA FORA
SUPRA 'SSU BALCONEDDU SU PUSATI
E ASPETTANU QUANN'È CA V'AFFACCIATI
LI CIURI SENZA VUI NON PONNU STARI
SU TUTTI CCU LI TESTI A PINNULUNI
OGNUNO D'IDDI NON VOLI SBUCCIARI
SU PRIMA NON SI GRAPI 'SSU BALCUNI
DINTRA LI BUTTUNEDDI SU AMMUCCIATI
E ASPETTANU QUANN'È CA V'AFFACCIATI.
LASSATI STARI, NUN DURMITI CCHIU,
CA 'MMENZU AD IDDI, DINTRA 'SSA [
CCI SUGNU PURU IU, C'ASPETTU A VUI
PRI VIDIRI 'SSA FACCI ACCUSSÌ BEDDA
PASSU CCA FORA TUTTI LI NUTTATI
E ASPETTU PURU QUANNU V'AFFACCIATI
SICILIA
SICILIA, BEDDA MIA, TERRA DI 'NCANTU
TERRA D'AMURI E DI LU SENTIMENTU,
CÙ TI LASSA, TI LASSA CCU LU CHIANTU
E QUANNU TORNA, RIDI ED È CUNTENTU
GIOVANNI FORMISANOPOETA E COMMEDIOGRAFO 1878 - 1962
(retro, destra)
A LA ME MUNTAGNA
MUNTAGNA MIA, REGINA DE LI VENTI,
SÌ TUTTA CHINA DI PETRI BRILLANTI,
LU SULI, QUANNU CODDA A LU PONENTI,
LASSA LU CORI NA SSI CANTI CANTI;
SÌ LA SO 'NNAMURATA ED È DULENTI
CA À STARI NA NUTTATA SENZA AMANTI
E TORNA CCHIÙ MATINU E CCHIÙ LUCENTI
E CCHIÙ CRESTU FA L'ALBA A LU LIVANTI.
DI STATI E 'NVERNU SÌ SEMPRI GIURÙTA,
PURU QUANNU DI NUDDU SÌ AZZAPPÀTA,
CUVI SEMPRI LU FOCU E NON S'ASTÙTA
E FAI DI FARU A STA SICILIA AMATA.
SÌ BEDDA SU DI NIVI SÌ VISTÙTA,
BEDDA QUANNU DI VIRDI SÌ AMMANTATA,
BEDDA QUANNU SÌ CHETA ADDURMISCIÙTA,
BEDDA QUANNU SÌ TUTTA 'NA VAMPÀTA!
(retro, sinistra)
QUANN'È CA LA VASATI!
QUANN'È CA LA VASATI CCHI VI DICI,
L'OCCHI LI ISA ANCORA DUCI DUCI?
E NA 'SSI VRAZZA SI SENTI FILICI,
LA VUCCA ANCORA A LONGU LA CUNNUCI?
QUANN'È VICNU A VUI, COMU SI SENTI,
FA ANCORA 'DDI SUSPIRI CCU'DDI CHIANTI,
E CCI PIGGHIUNU CCHIUI 'DDI SVENIMENTI
CA S'ABBANNUNA E VI CASCA DAVANTI?
CERTI MUMENTI CA VOLI CCHIÙ BENI
E S'AVVICINA A DARIVI 'N VASUNI,
STRINGIUTU FITTU CCU D'IDDA VI TENI
E VI MANGIA LI LABBRA A MUZZICUNI?
QUANNU FU TUTTA MIA CHISTU MI FICI,
MI TINNI TANTU TEMPU MISU 'N CRUCI
E ANCORA SUGNU CCU LI CICATRICI
CA MI LASSÒ LA SO VUCCUZZA DUCI!
VOGGHIU SAPIRI SU SECHITA A FARI
CHIDDU CA FICI A MIA TANT'ANNI ARRERI,
VOGGHIU SAPIRI SI LU FA MACARI
ORA CA DIVINTÒ VOSTRA MUGGHERI!
SU AVANTI A VUI NON À CHIANCIUTU MAI,
SI MUZZICUNI NON N'À DATU CCHIUI,
CHISTU È LU SIGNU CA M'AMÒ CCHIÙ ASSAI,
CCHIÙ ASSAI DI QUANTU VOLI BENI A VUI.
OTTAVA POPOLARE
AVITI LA VUCCUZZA 'NZUCCARATA
E CCHÌ NNI FAZZU SU SEMERI STA MUTA,
È SEMPRI 'NCHIUSA FITTA E 'NSIRRICCHIATA,
COMU SUDDU L'AVISSIRU CUSUTA!
NON V'À VISTU MAI FARI 'NA RISATA.
MAI VI L'HAJU VISTU SCUMPUNUTA
PARI CA FUSSI NA 'NQUATRU PITTATA
CCI DUMANNU 'N VASUNI E NON M'ASCUTA!
)
